Galatians 1
1Mihing pan hi lo, mite sawl zong hi lo, ahi hangin Jesu Christ le misi pana amah a thosak Pa Pasian sawltakpi Paul le 2kei tawh a omkhawm sang gamte khempeuh in, a Galatia a om pawlpite tungah: 3 I Pa Pasian le Topa Jesu Christ tung pana hehpihna le lemna note tungah om ta hen. 4I Pasian le Pa deihna bangin tu a gilo khanghun pana eite hong hu dingin i mawh nate adingin amah le amah hong kipia Pa 5Pasian tungah a tawntung in minthanna om den ta hen. Amen. bLungdamna-thu Adang Om Lo
6 Christ hehpihna hanga note hong sampa tawh hizahta a manlangin ki khena, lungdamna-thu adang na sanpah uh lamdang ka sa hi; 7tua na san uh lah lungdamna-thu a hi peuhmah kei hi. Mi pawlkhatte in Jesu Christ lungdamna-thu lehkaihin note hong lungbuaisak nuam uh ahi hi. 8Ahi hangin kote ka hi uh zongin vantung pana vansawltak khat ahi zongin note kianga kong gen uh ahi lo, lungdamna-thu dang hong hilh a om leh tawntung mawhpaih hi ta hen! 9Kote in kong gensa bangun tu-in kong gen kikinah: Mi khatpeuh in na sansa uh lungdamna-thu lo adang hong hilh leh a tawntungin kimawhpaih ta hen! c 10 Tu-in mihingte maipha ahikeh Pasian maipha a zong ka hi hiam? Ahikeh mihingte lungdamsak a sawm ka hi hiam? Mihingte lungdamsak a sawm lailai ka hileh Christ nasem ka hi kei ding hi. dPasian in Paul Sam
11 Sanggamte aw, ka hilh lungdamna-thu, mihing bawltawm ahi loh lam na theih ding uh ka deih hi. 12Mi khatpeuh tung pana ka ngah hi lo a, hong hilhsak zong ahi kei hi; Jesu Christ tung pan kilaakna-a ka ngah ahi hi. e 13 Ahang in, nidang lai-in Jew biakna ngeina sunga ka nuntak zia, Pasian pawlpi nakpi-a ka bawlsiat zia le suksiat gawp ka sawmzia na za zo uh hi. 14Ka khangual Jew mi tampi sung panin ka madawk a, ka pate ngeina gumin nakpi-in ka hahkat hi. 15Ahi hangin ka pian tunga ▼▼1.15 Ahikeh ka nu’ naubu panin
kei hong sehtuampa le a hehpihna hanga kei hong sampa Pasian in, 16Gentile-te laka ka gen theih nadingin lungkimtaka a Tapa kei sunga hong kilaaksak lai-in mi khatpeuh ka dong kei hi. 17Kei ma-a sawltakpi ahi masate tawh kimu dingin Jerusalem ah zong ka paito kei a, ahi hangin Arabia ah paipah in tua khit ciangin Damascus ah ka ciah kik hi. g 18 Tua zawh kum thum khit ciangin Peter ▼▼1.18 Greek ah Cephas
tawh kimeltheih dingin Jerusalem ah paito-in ama kiangah ni sawm-le-nga ka taam hi. 19Topa sanggampa James bek longal sawltakpi dang kuamah ka mu kei hi. 20Note tunga kong gelh thu, zuau ahi loh lam Pasian mai-ah kong theitelsak hi. 21Tua khit ciangin Syria le Cilicia ah ka pai hi. 22Christ sunga om Judea gam pawlpite kuamah in kei hong meltheih kei uh hi. 23Amaute in: “Tunung lai-a eite hong bawlsia pa in, khatvei lai-a a suksiat a sawm tua upna thu tu-in a hilh ta hi,” ci-a kigen bek a za uh hi. 24Keima hangin amaute in Pasian a phat uh hi. i
Copyright information for
ZomZIV